ანა ბარაბაძემ, ანი ბერულავამ, ნია კვარაცხელიამ, ლუკა ონიანმა, გიორგი ქარდავამ და მარიამ საღირაშვილმა სამეწარმეო კომპეტენციების დამადასტურებელი გამოცდა წარმატებით ჩააბარეს. 
სერტიფიცირება ადასტურებს: მინი კომპანიაზე ერთწლიანი მუშაობის გამოცდილების ექვივალენტურ ცოდნას: მეწარმეობრივ კომპეტენციას, ეკონომიკურ და ფინანსურ ცოდნას, შემდგომი შესაძლებლობების მიღებას მცირე და მსხვილი ბიზნესებისგან, უმაღლესი საგანმანათლებლო დაწესებულებებისგან და საერთაშორისო ორგანიზაციებისგან.
მეწარმეობის კლუბის ფარგლებში, ჩვენი მოსწავლეები, ხელმძღვანელის - მარიამ ნაჭყებიას დახმარებით, საბაზისო მეწარმეობის თეორიულ კურსს ეცნობიან და მიღებულ ცოდნას პრაქტიკაშიც წარმატებით ნერგავენ.
ნორჩი მეწარმეების მიერ ჩამოყალიბებული კომპანია FullSpring, JA საქართველოს მიერ ორგანიზებულ “წლის მოსწავლეთა კომპანია 2023“ - ის ფინალში მოხვდა. მათი ბიზნეს იდეა ეკო-მეგობრულ კონცეფციას ემყარება და მომხმარებლებს გადამუშავებული მაკულატურისგან დამზადებულ ხელნაკეთ პროდუქციას სთავაზობს.